|
|
咁大件事,有必要蒲頭講幾句野.
首先,卡比路得返一年約,肯定唔會再續,而家早走其實都好,可以疊埋心水早d搞重組,再打腫面充肥佬同AC,祖記硬碰,只會自尋死路,辛斯仲有幾多個機場可以賣?
柏蘭迪利同哥斯美其實都冇所謂,不過有哥斯美會多d交嗌,有戲睇咁解.
我就點都唔會嬲一個幫羅馬拎過一冠兩亞0既領隊,的確係走得突然,但係放晒風先走,同突然走咪一樣係走,定係想佢好似托迪咁扭扭擰擰欲走還留果隻(呢隻最煩)? 而且又唔係開左操先走,對羅馬0既部署黎講影響唔大.
至於去祖記,咁車仔同皇馬都已經有領隊,想去間大會大展拳腳0既,的確係得返祖記,唔通響屋企藕臭一年再等機會? 講到背叛,羅馬人永不去祖記,其實係球迷一廂情願,人地跟足遊戲規則黎玩,你最多話佢地合理唔合情.
響托迪都成日話唔買人就閃人0既今時今日,仲要求d職球員樣樣義氣行先,係咪我地太天真?
關於卡比路之前講過"永不執教祖記",你可以話佢冇口齒0既,但係好似上面所講,唯一選擇的確係得返祖記.
總之,而家羅馬慳返幾百粒人工,又早一年步入重組期,對羅馬黎講係好事, 要插佢既你地慢慢繼續插, 我就諗下點重組.
柏蘭迪利入黎,正式標誌住搞年輕化,亦標誌住托迪肯定走人.
要重組,先賣人.
托迪: 唯一問題係佢同森美爾一樣,已經揀定左皇馬,就算車仔出幾多錢都冇用.皇馬一定會藉住呢一點黎壓價,賣倒3500-4000萬已經算好好.
森美爾: 2500萬
艾馬臣: 卡比路入主,艾馬臣更加唔會揀第二隊.羅馬唔需要馬利斯卡,要純cash,呢樣要睇卡比路鍾唔鍾意馬利斯卡. 艾馬臣淨低一年約,我諗最多得1200萬.
簡迪拿,迪維基奧: Free走佢地唔該.
湯馬斯:用多一年都ok,話唔定好似迪比阿治奧咁,改踢後衛會掂過碌蔗. 不過一定要減人工, 唔係0既100萬送走.
蒙迪拿:人工實在太貴,30歲休左成季,打返起0既機會唔大,加上而家玩重組,唔好意思,有400-500萬都照殺.
迪拿斯: 打左兩年後備,都唔應該再阻你發達,馬田拿臣都賣倒600萬,你都可以.Euro04打好d, 睇下有冇英超球隊要你.
比列斯素利: 羅馬三個龍門,其實三個都唔失禮,不過賣得最貴既肯定係比列斯素利,即管睇下阿仙奴會唔會要,佢地都唔要就冇計,因為各大會已經有晒穩健龍門.
賣得出0既話應該1000萬左右.
賣晒既有9000萬左右, 慳返0既人工接近4000萬.
賣完人就買人,keep住季初賣季票果舊錢有返咁上下.
(1)列基美:
環顧全球,可以頂倒托迪之餘,又唔貴,而我又識0既,係得列基美一個.
而家巴塞keep唔倒戴維斯,急需一件防中,羅馬可以拎達葛治黎同巴塞換,巴塞而家圍繞住細哨黎重組,睇怕都唔會諗列基美,頂多比1-200萬賠償比維拉利爾,或者比多2-300萬作為兩個人既差價.
$:達葛治+2-300萬交換
(2)卡雲拿基:
基拿甸奴如果係1000至1500萬鎊,咁對羅馬黎講真係太貴,而且冇左托迪卡斯辛奴呢對組合,得返柏蘭迪利,佢仲會唔會選擇黎都係未知數.
反而河床0既卡雲拿基,俄羅斯果邊0既開價都係千零萬歐元,講潛質兩個不惶多讓,基拿甸奴唔得,可以考慮阿根廷呢便.
$:1000-1500萬"歐元".
(3)柏路達:
艾馬臣0既接班人已經有,就係迪羅斯,所以而家搵0既係達葛治接班人.
基爾禾講明會放,亦都開埋價,比較易話為.
競爭對手方面,AC國米夠人,而柏路達係比祖記遺棄0既,一個肯留響基爾禾咁耐既人,會唔會食回頭草呢? 呢一樣係羅馬0既優勢.
基爾禾開價係1000萬或者400萬+兩個球員.睇下佢地要唔要古干, 要0既就700萬+古干搞掂.
後防:
(4)費拉利:
麥薩斯我就一場波都未睇佢踢過,亦都唔知吹到佢好勁果班人有冇睇過佢踢超過3場波,定係見倒CM rating高, 傳媒吹得勁就人云亦云.可能佢真係掂都唔定,但係我而家絕對唔會對一個未見過0既人抱咁大信心.
何況係咪真係幾百萬咁平,而家都未肯定,一時又話400萬就得,一時又話曼聯會出多d錢,就算真係好似CM果D minimum release clause又點? 而家卡比路托迪走晒,羅馬同其他大會比,仲有乜明顯優勢? 真係搵條女比佢呀?
有人話卡比路響麥薩斯傾緊條件0既時候走,影響左呢單轉會.我就諗,如果卡比路響羅馬入左麥薩斯先走,咁比人昆左,"我為卡比路而來"0既麥薩斯會點樣諗? 真係冇所謂? 你肯定?
所以,我就傾向以柏蘭迪利0既關係入費拉利.
傳聞報價係900萬.
左閘搵番古菲返黎, 雖然羅馬炒鍚耶納6蛋果場佢踢得好曳,但係成季黎講,佢響錫耶納打得唔錯,可以一用.
右閘就唔知彭路基會唔會跟佢契爺走,暫時當佢唔走啦.
咁支出同收入差額就有5500萬左右, 加埋歐聯舊錢, 夠頂一季.
下季陣容可能係:
_________卡雲拿基(21)
卡斯辛奴(22) 列基美(26) 文仙尼(24)
______迪羅斯(21) 柏路達(27)
古菲(26) 捷禾(24) 費拉利(25) 彭路基(31)
_________路柏泰利(26)
紙上談兵黎睇,抽倒好籤0既,入歐聯8強都得.
後備軍就有:
__________Corvia
D'Agostino Aguilani Cerci
________Ajide Wahab
___新仔 Bovo Ferronetti 新仔
__________Zotti
係呃,後備係得新仔呃,唔係咩叫重組呀? 重組唔用新仔用咩呀?
爭第4之嘛,真係爭冠軍咩? 降班? no way.
=======================================================
你們看得懂嗎??
如果看不懂我晚一點再返譯好嗎?? |
|
发表于 2004-5-29 22:05:00
收藏
楼主